आशाकिरण सोशल फाऊंडेशन
आपल्या पिंपरी चिंचवड शहरातील विद्यार्थ्यांनी जगात सूर्यनमस्कार व श्रीमद्भगवद्गीता चा प्रसार व प्रचार करावा. स्वतःच्या आयुष्यासोबत जगातील विद्यार्थ्यांचे आयुष्य घडवावे व भारतीय संस्कृतिचा प्रचार करावा.
आमच्याविषयी
आशाकिरण सोशल फाउंडेशन ही एक नोंदणीकृत संस्था आहे जी 2015 पासून सूर्यनमस्काराच्या प्रचारासाठी कार्यरत आहे. आमचे उद्दिष्ट प्रत्येक व्यक्तीला शारीरिक, मानसिक आणि आध्यात्मिक आरोग्याकडे वळविण्यासाठी प्रेरित करणे आहे.
आम्ही सूर्यनमस्काराच्या नियमित सरावाद्वारे आरोग्याचे महत्त्व लोकांपर्यंत पोहोचवतो. योग शिक्षण कार्यशाळा, शाळा आणि महाविद्यालयांमध्ये जनजागृती कार्यक्रम, तसेच समाजात मोफत सत्रांचे आयोजन करत, आम्ही या प्राचीन परंपरेचे जतन आणि प्रचार करत आहोत.
आमचे ध्येय
- आरोग्यपूर्ण जीवनशैलीकडे समाजाचे लक्ष वेधणे.
- सूर्यनमस्काराचे फायदे अधिकाधिक लोकांपर्यंत पोहोचवणे.
- नवीन पिढीसाठी योग आणि भारतीय परंपरा जतन करणे.
- इयत्ता ५ वी ते ९ वी च्या सर्व विद्यार्थ्यांसाठी गीता शिकवणे व त्याचे प्रमाण पत्र देणे आणि पिंपरी चिंचवड शहरातील विद्यार्थ्यांनी इतर शहरातील विद्यार्थ्यांना गीता पठन व सूर्यनमस्काराचे प्रात्यक्षिक करून दाखवणे हे आमचे ध्येय आहे.
आमचा प्रवास
2015 पासून, पिंपरी चिंचवड महानगर पालिका व आशाकिरण सोशल फाउंडेशन यांच्या संयुक्त विद्यमाने अनेक ठिकाणी सूर्यनमस्कार उपक्रम हाती घेतले आहेत. हजारो विद्यर्थ्यांना याचे महत्त्व पटवून देऊन त्यांना आरोग्यदायी जीवनशैलीकडे वळवले आहे.
पिंपरी चिंचवड महानगर पालिका व आशाकिरण सोशल फाउंडेशन यांच्या प्रयत्नांमुळे, विविध वयोगटांतील विद्यर्थ्यांना सूर्यनमस्काराची सवय लावून घेतली आहे.
सूर्यनमस्कार करण्याची पद्धत
प्रणामासन
सरळ उभे राहून दोन्ही पाय जवळ ठेवा. हात छातीसमोर जोडून सूर्याला नमन करा. हा पहिला टप्पा आत्मशांती मिळवण्यास आणि शरीर व मन व्यायामासाठी तयार करण्यास मदत करतो. दीर्घ श्वास घ्या आणि आपले लक्ष एकाग्र करा.
हस्तउत्तानासन
हात वर उचलून मागे झुकवा. शरीराला वरच्या दिशेने ताण द्या. या आसनामुळे छाती उघडते, शरीर लवचिक बनते, आणि रक्ताभिसरण सुधारते. पाठीचे स्नायू मजबूत होतात, आणि श्वसन क्षमता वाढते.
पादहस्तासन
श्वास सोडत खाली वाकून पायांना हात लावा. या आसनामुळे कंबरेला लवचिकता मिळते, पचन सुधारते, आणि मानसिक ताण कमी होतो. रक्ताभिसरण सुधारून शरीराला उर्जावान करते.
अश्वसंचालनासन
डावा पाय मागे नेऊन उजवा पाय पुढे ठेवा. वर बघा आणि श्वास घ्या. या स्थितीने शरीराचे संतुलन सुधारते, पाठीचा कणा लवचिक बनतो, आणि मांडीच्या स्नायूंना बळकटी मिळते.
दंडासन
दोन्ही पाय मागे घेऊन शरीराला सरळ रेषेत ठेवा. तळहात आणि पायाच्या बोटांवर तोल सांभाळा. दंडासन शरीराला मजबुती देते आणि मुख्य स्नायूंना सक्रिय करते.
अष्टांग नमस्कार
श्वास सोडत, छाती, गुढगे, आणि कपाळ जमिनीवर ठेवा. आठ अंगांचा वापर करून शरीर जमिनीला स्पर्श करते. या आसनामुळे शरीर लवचिक होते आणि ऊर्जेचा संचार वाढतो.
भुजंगासन
श्वास घेत, छाती उचलून वर बघा. पाठीच्या कण्याला लवचिकता मिळते, आणि शरीराला उर्जावान वाटते. या आसनामुळे छाती उघडते, आणि फुप्फुसांची कार्यक्षमता सुधारते.
अधोमुख श्वानासन
शरीर उलट V-आकारात ठेवा. डोके खाली आणि नितंब वर या स्थितीत ठेवा. यामुळे कंबर, खांदे, आणि पायांचे स्नायू ताणले जातात. रक्ताभिसरण सुधारून मेंदूला ताजेतवाने वाटते.
अश्वसंचालनासन
पुन्हा उजवा पाय मागे घेऊन डावा पाय पुढे ठेवा. वर बघा आणि शरीर संतुलित ठेवा. ही स्थिती पाठीच्या कण्याला उर्जा देते आणि मानसिक स्थिरता मिळवून देते.
पादहस्तासन
श्वास सोडत पुन्हा पायांना हात लावा आणि शरीराला वाकवा. या आसनाने शरीराला विश्रांती मिळते आणि उष्णता कमी होते. रक्ताभिसरण सुधारते.
हस्तउत्तानासन
हात वर उचलून मागे झुकवा. श्वास घेत, शरीर लवचिकतेने सरळ करा. या आसनामुळे शरीर सुदृढ होते आणि मन शांत होते.
प्रणामासन
श्वास सोडत, हात छातीसमोर आणा आणि सूर्यनमस्कार पूर्ण करा. ही स्थिती शरीराला आराम देते आणि मनाला एकाग्र करते.
Partners
